پردیس میں انسان صرف پیسہ کمانے نہیں آتا، بلکہ وہ یہاں روزانہ اپنی انا، اپنے جذبات اور اپنی خواہشات کی قربانی بھی دیتا ہے۔ وطن سے دور، اپنوں کی یادوں کے سہارے جینا کتنا مشکل ہے، یہ صرف ایک پردیسی ہی سمجھ سکتا ہے۔ آج میں آپ کو اپنے قیامِ پردیس کے دوران پیش آنے والا ایک ایسا واقعہ سناتا ہوں جس نے میری زندگی کی سوچ بدل دی۔
ایک چھوٹے سے کمرے میں چار پردیسی دوست رہتے تھے۔ چاروں الگ الگ شہروں سے تھے، لیکن پردیس کی تنہائی نے انہیں سگے بھائیوں سے بڑھ کر بنا دیا تھا۔ ان کا ایک سنہرا اصول تھا کہ چاہے زمین آسمان ایک ہو جائے، وہ رات کا کھانا ہمیشہ ایک ساتھ دسترخوان پر بیٹھ کر کھائیں گے۔
اس کمرے کے ایک کونے میں، دروازے کے بالکل پاس ایک پرانی لکڑی کی کرسی رکھی تھی جو ہمیشہ خالی رہتی تھی۔ کوئی بھی اس پر نہیں بیٹھتا تھا۔ ایک دن کمرے میں ایک نئے آنے والے ساتھی نے حیرت سے پوچھا، "یار! یہ کرسی تم لوگوں نے یہاں کیوں رکھی ہے؟ نہ تم اس پر بیٹھتے ہو، نہ اس پر سامان رکھتے ہو۔ اسے یہاں سے ہٹا کیوں نہیں دیتے؟"
کمرے کے سب سے سمجھدار ساتھی نے مسکرا کر جواب دیا:
اس نے وضاحت کرتے ہوئے کہا: "دیکھو، ہم سب دن بھر باہر لوگوں کی تلخیاں سنتے ہیں، گرمی میں تپتے ہیں اور تھکن سے چور ہو کر آتے ہیں۔ ہم نے یہ طے کیا ہے کہ جو بھی کمرے میں داخل ہوگا، وہ اپنا سارا غصہ اور باہر کی تمام جھنجھلاہٹ اس 'خالی کرسی' پر چھوڑ کر اندر آئے گا۔ اس کرسی کے اس پار ہم صرف مجبور پردیسی بھائی ہیں، جن کا ایک دوسرے کے سوا کوئی سہارا نہیں ہے۔ ہم نہیں چاہتے کہ باہر کی کڑواہٹ ہمارے اس چھوٹے سے ٹھکانے کا سکون برباد کر دے۔"
اس دن کے بعد اس کمرے میں کبھی اونچی آواز میں بات نہیں ہوئی۔ وہ لکڑی کی بے جان کرسی ان کے سکون کی پہرہ دار بن گئی تھی۔
حاصلِ کلام:
اس تحریر سے ہمیں یہ سیکھنے کو ملتا ہے کہ زندگی میں اکثر ہم سے ایک بہت بڑی غلطی ہوتی ہے؛ ہم کسی ایک کا غصہ دوسروں پر اتارتے ہیں اور اپنے گھر یا اپنے روم کا ماحول خراب کرتے ہیں۔ باہر سڑک پر، دفتر میں یا کسی اجنبی سے ملنے والی تلخی کا بدلہ ہم اپنے ان ساتھیوں اور پیاروں سے لیتے ہیں جن کا کوئی قصور نہیں ہوتا۔ صرف اس لیے کہ وہ ہمارے اپنے ہیں اور ہمیں پتہ ہے کہ وہ ہمیں پلٹ کر جواب نہیں دیں گے۔ پردیس میں کمرے تو چھوٹے ہو سکتے ہیں، لیکن اگر ہم اپنے ظرف بڑے کر لیں اور دوسروں کا غصہ اپنوں پر نکالنا چھوڑ دیں، تو وہی کمرے اور گھر جنت بن جاتے ہیں۔
Written by: Sagar Pardesi
Pardes mein insaan sirf paisa kamane nahi aata, balkay woh yahan rozana apni ana, apne jazbaat aur apni khwahishaat ki qurbani bhi deta hai. Watan se door, apno ki yaadon ke sahare jeena kتنا mushkil hai, yeh sirf ek pardesi hi samajh sakta hai. Aaj mein aap ko apne qayam-e-pardes ke doran pesh aane wala ek aisa waqia sunata hoon jis ne meri zindagi ki soch badal di.
Ek chotay se kamray mein chaar pardesi dost rehte thay. Charon alag alag shehron se thay, lekin pardes ki tanhai ne unhein sagay bhaiyon se barh kar bana diya tha. Un ka ek sunehra asool tha ke chahay zameen aasman ek ho jaye, woh raat ka khana hamesha ek sath dastar khwan par baith kar khayenge.
Is kamray ke ek konay mein, darwaze ke bilkul paas ek purani lakri ki kursi rakhi thi jo hamesha khali rehti thi. Koi bhi is par nahi baithta tha. Ek din kamray mein ek naye aane wale sathi ne hairat se poocha, "Yaar! Yeh kursi tum logon ne yahan kyun rakhi hai? Na tum is par baithte ho, na is par saman rakhte ho. Isay yahan se hata kyun nahi detay?"
Kamray ke sab se samajhdar sathi ne muskurakar jawab diya:
"Bhai! Yeh kursi hum ne apne 'Gussay' aur 'Ana' ke liye rakhi hai."
Is ne wazahat karte hue kaha: "Dekho, hum sab din bhar bahar logon ki talkhiyan sunte hain, garmi mein taptay hain aur thakan se choor ho kar aate hain. Hum ne yeh tay kiya hai ke jo bhi kamray mein dakhil hoga, woh apna sara gussa aur bahar ki tamam jhanjhalahat is 'khali kursi' par chor kar andar aayega. Is kursi ke is paar hum sirf majboor pardesi bhai hain, jin ka ek doosray ke siwa koi sahara nahi hai. Hum nahi chahte ke bahar ki kadwahat hamare is chotay se thikane ka sukoon barbad kar de."
Is din ke baad is kamray mein kabhi oonchi awaz mein baat nahi hui. Woh lakri ki be-jaan kursi un ke sukoon ki pehredar ban gayi thi.
Hasil-e-Kalam:
Is tehrer se humein yeh seekhne ko milta hai ke zindagi mein aksar hum se ek bohat bari galti hoti hai; hum kisi ek ka gussa doosron par utaar detay hain aur apne ghar ya apne room ka mahool kharab karte hain. Bahar sarak par, daftar mein ya kisi ajnabi se milne wali talkhi ka badla hum apne un sathiyon aur pyaron se letay hain jin ka koi qasoor nahi hota. Sirf is liye ke woh hamare apne hain aur humein pata hai ke woh humein palat kar jawab nahi dein ge. Pardes mein kamray toh chotay ho sakte hain, lekin agar hum apne (zarf) baray kar lein aur doosron ka gussa apno par nikalna chor dein, toh wahi kamray aur ghar jannat ban jatay hain.
2 Comments