Rishton ka Drama aur Pardes ka Dard

English Urdu Roman Urdu

رشتہ داروں کا ڈرامہ اور پردیسی کا درد

شہروں کے فاصلے تو مُپ جاتے ہیں، مگر رشتوں کے درمیان بننے والی یہ "ڈرامائی دیواریں" اتنی گہری اور پیچیدہ ہوتی ہیں کہ ان کی پیمائش ممکن ہی نہیں ہوتی۔ زندگی کے سفر میں بندہ کتنی ہی میل کیوں نہ طے کر لے، جب تک رشتوں کا سفر ایمانداری سے نہ ہو، پتہ ہی نہیں چلتا کہ ہم منزل پر کھڑے ہیں یا راہ بھٹک چکے ہیں۔ آج کل ہر گھر میں کچھ ایسے رشتہ دار ضرور ہوتے ہیں جو محبت کے لبادے میں مفاد کی سیاست کر رہے ہوتے ہیں۔

سب سے تکلیف دہ پہلو وہ "جھوٹا بیانیہ" ہے جس میں یہ دعویٰ کیا جاتا ہے کہ "ہم نے تو تم میں اور اپنے سگے بہن بھائیوں میں کبھی کوئی فرق نہیں کیا"۔ سچ تو یہ ہے کہ جو لوگ بار بار یہ جتلانے پر مجبور ہوں، اصل میں وہی فرق کی بنیاد رکھ رہے ہوتے ہیں۔ یہ جملہ دراصل ایک ڈھال ہے، جس کے پیچھے چھپ کر وہ آپ کو اپنی مرضی کے مطابق چلانا چاہتے ہیں۔ دراصل بات یہ ہے کہ جب تک آپ حق کی بات نہیں کرتے اور ان کی ہر "ہاں" میں "ہاں" اور "جی" میں "جی" ملاتے رہو گے، تب تک آپ ان کے لیے سب سے پیارے ہو۔ لیکن جیسے ہی آپ سچ کا راستہ چنتے ہیں، تو افسوس کہ وہ رشتے آپ سے کھو جاتے ہیں، کیونکہ ان کا رشتہ آپ کی شخصیت سے نہیں، بلکہ آپ کی خاموشی اور ان کی مرضی کے تابع رہنے سے تھا۔

جب آپ ان کی ہر بات مانتے رہیں، تب تک آپ "سگا بھائی" ہوتے ہیں، لیکن جوں ہی آپ اپنی خودداری دکھائیں تو فوراً آپ کو طعنہ دیا جاتا ہے کہ "تم بدل گئے ہو"۔ یہ کتنا عجیب تضاد ہے کہ خود وہ رشتہ دار، جو آپ کو ہر موڑ پر پرایا ثابت کرنے کی کوشش کرتے ہیں، الزام آپ پر تھوپ دیتے ہیں کہ فرق آپ کر رہے ہیں۔ یہ ایسا ہی ہے جیسے کوئی گاڑی کا اسٹیرنگ خود تھام کر، غلط راستے پر گاڑی چلائے اور الزام مسافر پر لگا دے کہ وہ کیوں خاموش ہے؟

پردیس میں بیٹھا بندہ جب ان باتوں کو سنتا ہے، تو اسے دکھ اس بات کا نہیں ہوتا کہ انہوں نے کیا کہا، بلکہ اس کا ہوتا ہے کہ برسوں کا ساتھ اور خلوص، ان کی اس ایک "جتلانے والی" ادا کے آگے کتنا بے بس ہے۔ سچے رشتے کبھی جتلائے نہیں جاتے، وہ تو عمل سے جھلکتے ہیں۔ جن رشتوں میں "میں نے تیرے لیے یہ کیا" کا حساب کتاب ہو، وہ رشتے نہیں بلکہ سودے بازی ہوتی ہے۔

آج میں یہ سمجھ گیا ہوں کہ جو لوگ آپ کو بار بار یہ باور کروائیں کہ "ہم نے تمہیں کبھی پرایا نہیں سمجھا"، دراصل وہ اپنی کمزوری چھپانے کے لیے آپ کو ایک ایسا رشتہ دار بنا کر رکھنا چاہتے ہیں جو ان کی ہر بات پر سر تسلیمِ خم کرے۔ پردیس کی زندگی نے مجھے یہ سکھایا ہے کہ اب ان نقلی کرداروں کو اسٹیج سے اتار کر، ان کو حقیقت کی سڑک پر چلنا سکھایا جائے۔ اب اس سفر میں جو ساتھ چلے گا، وہی میرا ہے، اور جو اپنی ڈرامہ سازی کے شور میں ہی مگن رہے گا، اسے اس کی اپنی منزل پر چھوڑنا ہی بہتر ہے۔

آپ کو یہ تحریر کیسی لگی؟ اپنی قیمتی رائے سے ضرور آگاہ کیجیے گا۔ آپ کے تبصروں کا شدت سے انتظار رہے گا۔

فقط، آپ کی دعاؤں کا طلبگار، ساگر پردیسی

---

Rishtedaaron ka Drama aur Pardesi ka Dard

Shehron ke faasle toh mup jaate hain, magar rishton ke darmiyan banne wali yeh "dramayi deewarein" itni gehri aur pecheeda hoti hain ke unki paimaish mumkin hi nahi hoti. Zindagi ke safar mein banda kitni hi meel kyun na tay kar le, jab tak rishton ka safar imandari se na ho, pata hi nahi chalta ke hum manzil par khade hain ya raah bhatak chuke hain. Aaj kal har ghar mein kuch aise rishtedaar zaroor hote hain jo mohabbat ke labade mein mufaad ki siyasat kar rahe hote hain.

Sab se takleef-deh pehlu woh "jhoota bayaniya" hai jis mein yeh dawa kiya jata hai ke "Hum ne toh tum mein aur apne sagay behen bhaiyon mein kabhi koi farq nahi kiya". Sach toh yeh hai ke jo log baar baar yeh jatlane par majboor hon, asal mein wahi farq ki bunyad rakh rahe hote hain. Yeh jumla darasal ek dhaal hai, jis ke peechay chup kar woh aap ko apni marzi ke mutabiq chalana chahte hain. Darasal baat yeh hai ke jab tak aap haq ki baat nahi karte aur unki har "haan" mein "haan" aur "jee" mein "jee" milatay rahoge, tab tak aap unke liye sab se pyare ho. Lekin jaise hi aap sach ka raasta chunte hain, toh afsos ke woh rishtay aap se kho jaate hain, kyunke unka rishta aap ki shakhsiyat se nahi, balkay aap ki khamoshi aur unki marzi ke tabay rehne se tha.

Jab aap unki har baat maantay rahein, tab tak aap "sagay bhai" hote hain. Lekin joon hi aap apni khud-dari dikhayen toh foran aap ko taana diya jata hai ke "tum badal gaye ho". Yeh kitna ajeeb tazaad hai ke khud woh rishtedaar, jo aap ko har mor par paraya sabit karne ki koshish karte hain, ilzaam aap par thop dete hain ke farq aap kar rahe hain Yeh aisa hi hai jaise koi gaadi ka steering khud thaam kar, ghalat raastay par gaadi chalaye aur ilzaam musafir par laga de ke woh kyun khamosh hai?

Pardes mein baitha banda jab in baton ko sunta hai, toh usay dukh is baat ka nahin hota ke unhon ne kya kaha, balkay us ka hota hai ke barson ka saath aur khuloos, unki is ek "jatlanay wali" ada ke aagay kitna bebas ha. Sachay rishtay kabhi jatlaye nahi jaate, woh toh amal se jhalaktay hain. Jin rishton mein "main ne tere liye yeh kiya" ka hisaab kitaab ho, woh rishtay nahi balkay sauday-baazi hoti ha

Aaj main yeh samajh gaya hoon ke jo log aap ko baar baar yeh bawar karwayen ke "hum ne tumhein kabhi paraya nahi samjha", darasal woh apni kamzori chupane ke liye aap ko ek aisa rishtedaar bana kar rakhna chahte hain jo unki har baat par sar-e-tasleem-e-kham rakhe. Pardes ki zindagi ne mujhe yeh sikhaya hai ke ab in naqli kirdaron ko stage se utaar kar, un ko haqeeqat ki sadak par chalna sikhaya jaye. Ab is safar mein jo saath chalega, wahi mera hai, aur jo apni drama-saazi ke shor mein hi magan rahega, usay uski apni manzil par chhorna hi behtar ha.

Aap ko yeh tehreer kaisi lagi? Apni qeemti raaye se zaroor aagah kijiye ga. Aap ke tabsaron ka shiddat se intezar rahe ga.

Faqat, aap ki duaon ka talabgaar, Sagar Pardesi